Isang Pamaskong Playlist Taong 2014

Sinasabing walang katulad ang Paskong Pinoy kumpara sa pagdiriwang ng panahong ito sa iba’t ibang panig ng mundo. Sa Pilipinas nagsisimula ang nakatutuwang paghihintay nito pagtuntong sa mga tinatawag na “ber months.” Kasabay ng pagtatayo ng belen at pagsabit ng parol ay ang pagpapatugtog ng mga awiting Pamasko. Narito ang sampu sa mga awiting Pinoy na nakaugalian na naming patugtugin twing Kapaskuhan.

Alin kaya sa mga ito ang paborito nyo rin?

1. “Heto Na Naman” (Ryan Cayabyab) Ito, sa ganang akin, ang pinakakwelang awiting Pamasko na imposibleng di makatawag-pansin tuwing naririnig namin. Nakaaaliw itong pakinggan gawa ng iba’t ibang “a capella voicings” na inawit lahat ng pamosong si Mr. C. Kasabay ng aliw na dulot ng natatanging tyempo at melodiya ng awiting ito ay ang isang mahalagang paalala na wag manatili sa mga panlabas na aspeto ng Kapaskuhan.

one christmas ryan cayabyab

2. “Tuloy na Tuloy Pa Rin ang Pasko” (Apo) Maituturing na hawig ang tema ng “Heto Na Naman” sa awiting ito na sinulat ni Andrei Dionisio at pinasikat ng Apo. Ito ay dahil sa pagbibigay diin nito sa katotohanang ang diwa ng Pasko ay wala sa aginaldo at noche buena. Ang kakaiba dito ay kung paano nasumpungan ang katotohanang ito ng isang namumrublema kung papaanong maidadaos ang Pasko sa panahong “kung tayo naman ay kapos at wala nang pera.”

apo christmas album

3. “Kumukutitap” (Joey Albert) Ang komposisyong ito nina Ryan Cayabyab at ng direktor na si Joey Javier Reyes ay maituturing na isa sa pinakamasayang sabayan twing pinatutugtog sa plaka o CD. Gawa ito marahil ng dalawang elemento. Una ay ang napakasayang melodiya na inilapat dito ni Ryan Cayabyab. Ikalawa ay ang nakatutuwang patotoo nito sa kagandahan ng wikang Pilipino. Pansinin: “Kumukutikutitap, bumubusibusilak, ganyan ang indak ng mga bombilya; Kikindatkindat, kukurapkurap, pinaglalaruan ang iyong mga mata.”

joey albert xmas

4. “Pasko na, Sinta Ko” (Gary Valenciano) Hindi kumpleto ang Pasko pag wala ang pinaka-senting “Christmas love song” na ito. Kaya na rin siguro lahat halos ng mga sikat na musikerong Pinoy ay may “cover versions” nito. Wala pa ring tatalo sa orihinal na bersyon na unang pinasikat ni Gary V noong 1996. Salamat kina Francis Dandan at Aurelio Estanislao na syang nagsulat ng titik at naglapat ng musika.

gary v xmas album
5. “Fruitcake” (Eraserheads) “There’s a fruitcake for everybody; there’s a B-side to every story.”  Pinakanakaka-“last song syndrome” na Pamaskong rock song ang “Fruitcake.” Sinulat ni Ely Buendia sa kasagsagan ng kanilang kasikatan bilang Eraserheads, ito ang nagsilbing “lead track” sa “concept album cum Christmas album” na may parehong pamagat taong 1996. Kasabay ng paglabas nito sa CD ay ang paglathala ng isang “storybook” na ganoon din ang pamagat.

eraserheads fruitcake

6. “Hele ni Inay” (Gary Valenciano) Maituturing na Pamaskong bersyon ng “Sa Ugoy ng Duyan” ang “Hele ni Inay” dahil sa pagbibigay-pugay ng awiting ito sa napakahalagang papel ng isang ina sa ating buhay. Pinakamaigting na nararanasan ito ng mga anak na nagtitipun-tipon tuwing Kapaskuhan. Sinulat nina Lisa Tayko at Roy del Valle, isa itong pagpapatibay sa tinuran ng Alemang pilosopo na si Martin Heidegger: “to the heart that loves, absence is presence.”

gary v hele ni inay
7. “Isang Taong Lumipas” (The CompanY) Mula sa panulat nina Ryan Cayabyab at Jose Javier Reyes, ang awiting ito ang kumakatawan sa mga karaniwang naiisip at napag-uusapan ng mga kapamilya, kapatid at kapuso sa twing nagtitipon-tipon ang pamilyang Pilipino sa buwan ng Disyembre. Sa kabila ng mga pagbabago, may mga bagay pa ring di matitinag ng panahon kahit na anong mangyari.

the company christmas album

8. “Emmanuel” (Noel Cabangon) Isang di maitatangging mahalagang bahagi ng mga “chorale repertoire” sa loob ng misa tuwing panahon ng Kapaskuhan. Ang bersyon ni Cabangon ay pinaigting ng “counterpoint” na inareglo ni Vincent De Jesus. Isinalin ito sa Tagalog ni Rene Oliveros, SJ at binigyan ng karagdagang titik ni George Gozum. Ang pamosong kompositor na si Manoling Francisco, SJ ang naglapat ng musika.

huwag mangamba
9. “Himig ng Pasko” (San Miguel Philharmonic Orchestra at San Miguel Master Chorale) “Malamig ang simoy ng hangin, kay saya ng bawat damdamin; ang tibok ng puso sa dibdib, para bang hulog na ng langit.” Ito na siguro ang pinakamasarap sabayang awiting Pamasko tuwing may tumatapat sa ating mga tahanan para mag-“caroling” lalo na pagdating sa pagbitin sa linyang: “Masaya ang…mga tanawin.” Utang natin ito sa talento nina Ruben Tagalog at Sergio Ramos.

pasko by san miguel chorale

10. “Payapang Daigdig” (Regine Velasquez) Sinasabing sinulat ito ni Felipe de Leon isang umaga matapos yanigin ang Maynila ng mga pagsabog ng mga bombang hinulog ng mga Hapon noong Ikalawang Digmaang Pandaigdig. Patuloy pa din itong nangungusap sa atin sa ikadalawampu’t isang siglo. Nakalulungkot isiping tila baga nadagdagan pa ng pag-abante ng teknolohiya ang ating kakayahang wasakin ang mundo at ang ating mga sarili. Salamat na lamang at nakapaloob sa titik at musika ng awiting ito na sa bandang huli, ang mensahe ng pag-asa ng Pasko ang maaaring sumalba sa atin.

regine xmas

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s